بلادي نجمة ضاويه
بلادي نجمة ضاويه
وسط سما كلها نجوم
ناسها قلوبهم صافيه
وعشرتهم كاملة دوم
هي وعاء مملوء بالفكر
ربات على يديها اجيال
هي مرايا للحضارة البكر
كتعكس الثراث على بعد اميال
احضانها الدافيه كترسم البسمة على وجوه حزينة
ومدونها كتجمع ناس متفاهمين من طنجة للكويرة
مشى زمان وجا زمان
و تبدلت فيه عقول الانسان
مابقى حد يصبر على مهومواولو كانت قد الفتيله
الصغير يقول للكبير اش هاد الغبينة
ما بقى حد باغي يجلس فبلادوا براسوا مرفوع
كلشي كيهترف بالهجرة و بصوت مسموع
البحر شبع ما بقالو فين يزيد
والناس بنفس التجربة دايما كتعيد
بلادنا زينة مالها مثيل
عندنا فيها دكريات مخزونة
اش دانا لبلدان الغير
نعيشوا فيها بعادات و افكار مجنونة
فينك فينك يا زماناالجهل فيك كان داير العقول
جا زمان نكرنا فيه وطنا
ونسينا اصلنا من الجدور
قالوا القرايا ما بقات تنفع
عندهم شواهد و دايرين فالزناقي
قلنا الفضل الكبير لله يرجع
و عمر الشاقي ديمة باقي
اه عليك يا بلادي من هاد الدنيا الغدارة
العيشة فيك لديدة وخا فيها مرارة
BRAVO :)
ردحذف